Бишкек, 08.07.26. /Кабар/. Кытайдын түндүк-батышындагы Ганьсу провинциясында жер көчкүнүн кесепетинен 21 адам каза болуп, 7 киши жаракат алды. Бул тууралуу Синьхуа агенттиги жазды.
Маалыматка ылайык, жаракат алган 7 жаран жергиликтүү ооруканага жайгаштырылып, учурда алардын абалы туруктуу деп бааланууда.
Жер көчкү 7-июлда эртең мененки саат 06:56 чамасында Луннань шаарына караштуу Жэньцзан айылында жүргөн. Жергиликтүү бийликтин маалыматы боюнча, 33 адам урандылардын астында калып, бешөө эч кандай жаракат албастан куткарылып алынган.
