Бишкек, 24.08.26. /Кабар/. Кытай – Кыргызстан – Өзбекстан темир жолунун Урумбашы дарыясы аркылуу өтүүчү №5 көпүрөсүнүн негизги эки тирөөчүнүн курулушу аяктады. Бул тууралуу "Кабар" агенттигине 9-тилкенин директорунун орун басары Шин Хайдун билдирди.
Анын айтымында, алардын бийиктиги 56 жана 52 метрди түзөт. Учурда Урумбашы дарыясы аркылуу өтүүчү №5 көпүрөнүн эки негизги тирөөчү курулуп бүттү.
"Эки негизги тирөөчтүн курулушу аяктагандан кийин калган тирөөчтөрдү жана аны менен катар көпүрөнүн өзүн куруу башталат. Көпүрөнүн курулушун келерки жылдын сентябрь айларында аяктоо пландалууда", - деди ал.
"Чайна Рэйлвей Интернэшнл" ЖЧКсынын маалыматына ылайык, көпүрөнүн жалпы узундугу 504 метрди түзөт.
Долбоордо балласттык жол үчүн алдын ала чыңалган темир-бетондон жасалган үзгүлтүксүз рамалык аралыгы каралган.
