Бишкек, 09.07.26. /Кабар/. Кыргызстан курама командасы Москва шаарында өткөн ат спорту боюнча мелдеште 34 медаль жеңди.
Дене тарбия жана спорт мамлекеттик агенттигинен билдиришкендей, иш-чара Maxima Master’s Eurasia кубогунун алкагында өттү.
Жарыштарда 60 сантиметрден 150 сантиметрге чейинки тоскоолдуктар коюлган маршруттар каралган.
Кыргызстандын атынан ар кайсы маршртуттар боюнча 8 спортчу төмөнкүдөй жыйынтыктарга жетишти.
- Ринат Галимов — 7 алтын, 1 күмүш жана 2 коло медаль (жалпы 10 медаль);
- Андрей Тряпицин — 2 алтын медаль;
- Камиль Сабитов — 5 алтын жана 4 күмүш медаль;
- Анна Белюсенко — 2 алтын медаль;
- Луиза Галимова — 3 алтын жана 3 күмүш медаль;
- Полина Потапова — 1 күмүш медаль;
- Айзирек Кочкорова — 1 алтын жана 1 коло медаль;
- Богдан Стрельников — 1 алтын жана 1 күмүш медаль.
Белгилей кетсек, мелдеш 2-5-июль күндөрү өттү.
