Бишкек, 17.09.26 /Кабар/. Кыргызстандын жаш бильярдчылары Артур Огобаев менен Азирет Токтосунов 18 жашка чейинки спортчулар арасында өткөн Европа чемпионатында коло медаль тагынышты. Бул тууралуу мэрия билдирет.
Мелдеш 11–16-сентябрда Грузиянын Батуми шаарында өтүп, ага Кыргызстандын курамасынан Бишкектеги “Жеңиш” олимпиадалык резервдеги адистештирилген балдар-өспүрүмдөр спорт мектебинин тарбиялануучулары Артур Огобаев, Азирет Токтосунов жана Болот Эсенбеков катышты.
Чемпионаттын жыйынтыгында Огобаев менен Токтосунов байгелүү үчилтикке кирди.
