Бишкек, 16.10.26. /Кабар/. Министрлер кабинетинин төрагасынын орун басары Улан Маматканов министрлер кабинетине караштуу Демографиялык саясат боюнча кеңешинин биринчи жыйынын өткөрдү.
Жыйындын жүрүшүндө катышуучулар Кыргызстандагы учурдагы демографиялык кырдаалды, өлкөнүн демографиялык өнүгүүсүндөгү негизги көйгөйлөрдү жана Кыргызстандын 2040-жылга чейинки Демографиялык саясат концепциясынын биринчи этабын (2026–2030-жылдар) ишке ашыруу боюнча иш-чаралар планын талкуулашты.
Министрлер кабинетинин төрагасынын орун басары өлкөнүн туруктуу өнүгүүсү үчүн демографиялык саясаттын стратегиялык маанисин белгилеп, бул багыттагы максаттарды натыйжалуу ишке ашыруу мамлекеттик органдардын өз ара макулдашылган аракеттерин талап кыларын белгиледи.
Иш-чаралар планын өз убагында жана сапаттуу аткарууга, жооптуу мамлекеттик органдардын ишин координациялоого, анын аткарылышына туруктуу мониторинг жүргүзүүгө, ошондой эле аныкталган маселелерди чечүү боюнча конкреттүү чараларды кабыл алууга өзгөчө көңүл бурулду.
Жыйында демографиялык саясаттын артыкчылыктуу багыттарын ишке ашыруу жана өлкөнүн демографиялык өнүгүүсү үчүн мүмкүнчүлүктөрдү натыйжалуу пайдалануу боюнча сунуштар талкууланды.
Жыйындын жыйынтыгында бир катар тапшырмалар берилди.
