Бишкек, 14.03.25. /Кабар/. Күн мурун билим берүү жана илим министринин орун басары Лира Самыкбаева Литва Республикасынын Кыргыз Республикасындагы элчиси Эгидиюс Навикас менен жолугушту.
Ведомстводон билдиришкендей, жолугушуунун жүрүшүндө тараптар билим берүү тармагындагы эки тараптуу кызматташтык маселелерин, анын ичинде Европа Биримдигинин программаларынын алкагында өз ара аракеттенүүнү, Twinning долбоорун ишке ашырууну жана инклюзивдик билим берүүнү өнүктүрүү маселелерин талкуулашты.
Ошондой эле билим берүү процессин өркүндөтүү жана тажрыйба алмашуу максатында Литвадан Кыргызстанга мугалимдерди билим берүү мекемелерине жиберүү перспективаларына өзгөчө көңүл бурулду.
Жыйынтыгында билим берүү тармагында кызматташууну кеңейтүүгө жана билим берүүнүн сапатын жогорулатууга багытталган биргелешкен демилгелерди өнүктүрүүгө өз ара кызыкдар экендиги тастыкталды.
