Бишкек, 27.10.26. /Кабар/. Кыргызстан Германия жана Польша менен аба каттамдарын ачуу боюнча сүйлөшүүлөрдү жүргүзүп жатат. Бул тууралуу Жарандык авиация мамлекеттик агенттигинин директору Данияр Бостонов “Кабар” агенттигине билдирди.
Анын айтымында, сүйлөшүүлөрдө аталган өлкөлөрдүн өз авиакомпанияларынын болушу эске алынууда.
“Германия менен сүйлөшүүлөрдү жүргүзүп жатабыз, анткени ал өлкөнүн Lufthansa Airlines авиакомпаниясы бар. Ошондой эле Польша менен да сүйлөшүүлөр жүрүп жатат, себеби алардын LOT Polish Airlines авиакомпаниясы бар”, — деди ал.
Бостонов Чехия менен да сүйлөшүүлөр жүргүзүлгөнүн, аба каттамдарын уюштуруу маселеси каралып жатканын кошумчалады.
Белгилей кетсек, бүгүн “Ачык кабинет: жоопкерчилик аймагы” медиа долбоорунун алкагында ЖМК өкүлдөрү Жарандык авиация мамлекеттик агенттигинин ишмердүүлүгү менен таанышып жатат.
