Бишкек, 26.10.26 /Кабар/. Президент Садыр Жапаров Ала-Бука районунун тургундары менен жолугушуу учурунда Кош-Терек айылынын тургундарынын жер тилкелерине документ алуу маселесин тез арада чечүүнү тапшырды.
Айыл тургунунун айтымында, 2016-жылы 94 адамга 8 сотыхтан жер тилкеси берилген. Бирок ошол убактан бери жерлердин документтери толук бүтө элек. Тургундарга маселени мунапыс жана жерлерди трансформациялоо жолу менен чечүү мүмкүнчүлүгү айтылган.
Ала-Бука районунун акими Темирболот Абыкеевдин маалыматына караганда, 2021-жылдын декабрына чейин берилген жерлер боюнча мунапыс иштери жүргүзүлүүдө.
Буга байланыштуу мамлекет башчысы жер тилкелеринин абалын жеринен текшерип, эгер ал жерлерде айыл чарба өсүмдүктөрү өспөсө, маселени тез арада чечүүнү тапшырды.
