Бишкек, 12.02.26 /Кабар/. Каракол шаарынын Пристань-Пржевальск шаар тибиндеги шаарчасында курал-жарактар катылган жашыруун жай аныкталды. Бул тууралуу УКМКдан билдиришти.
Маалыматка ылайык, кароо жүргүзүү учурунда төмөнкүдөй курал-жарактар жана ок-дарылар табылып, алынган:
- 1 даана 12 калибрлүү октолгон кесилген мылтык (обрез) ;
- 1 даана «ПМ» үлгүсүндөгү согуштук тапанча (8 огу менен);
- 1 даана колго жасалган согуштук револьвер (2 огу менен);
- 1 даана травматикалык тапанча (3 огу менен);
- Тиешелүү ок-дарылар (12 калибрлүү мылтыкка 5 ок, «ПМ» тапанчасына 26 ок);
- Ички иштер органдарынын кызматкерлеринин формасы.
Ыкчам маалыматтар боюнча, аталган жашыруун жай мурда Камчы Асанбектин уюшкан кылмыштуу тобунун мүчөлөрүнө таандык болгон.
Учурда тергөө иштери жүрүп жатат жана тиешелүү экспертизалар дайындалды.
