Бишкек, 19.03.26. /Кабар/. Карагандада Нооруз майрамына карата борбордук сейил бакта уюштурулган иш-чарада дрондор боорсок таратты, деп билдирет Казинформ.
Маалыматка караганда, майрамдык иш-чаранын уюштуруучулары быйылкы Ноорузда заманбап технологияларды колдонууну чечишкен.
"Санариптик Нооруз 2026" деген ураан астында улуттук салттар менен инновациялар айкалыштырылып, майрам ого бетер көрктүү жана эсте каларлык болду.
Тургундар уюштуруучулардын мындай чыгармачыл мамилесин жогору баалашты.
"Күтүлбөгөн жерден дрон учуп келип, боорсокторду тарата баштады. Бул абдан күтүлбөгөн жана жагымдуу учур болду. Молчулук болсун", - деп кубанычы менен бөлүшкөн шаардын тургуну.
