Бишкек, 03.04.26. /Кабар/. Талас облусунун Айтматов районундагы "Кара-Буура" мамлекеттик жаратылыш паркынын Бабахан тилкесинде 6,4 гектар аянтка питомник уюштурулуп, көчөт отургузуу иштери жүрүүдө. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, анда ак кайың - 10 000 даана, колоновиддүү туя - 2 000 даана
жана көк карагай - 1 000 даана отургузулду.
Жалпы 13 миңден ашык көчөт аймактын экосистемасын сактоо жана токой ресурстарын көбөйтүү максатында тигилди..
Бул иштер жаратылыш паркынын биоартүркүндүүлүгүн сактоого жана экологиялык абалды жакшыртууга багытталган.
