Бишкек, 08.08.25. /Кабар/. Баткен облусунда 8-14-август күндөрү "Кибер кылмыштуулуктун" жана "Үй-бүлөлүк зомбулуктун" алдын алуу максатында бир катар иш-чаралар өткөрүлүүдө.
Облустук милициядан билдиришкендей, анын алкагында Кадайжай районунун Исхак-Полотхан айыл аймагында Ош – Раззаков унаа жолунда 224 жаран катышкан "Жөө жүрүш" иш-чарасы уюштурулду. Анда жарандарга кибер коопсуздук жана үй-бүлө ичиндеги зомбулукту болтурбоо боюнча түшүндүрүү иштери жүргүзүлдү.
Мындан сырткары, аталган айыл аймакта жайгашкан "Баяман Баатыр" базарындагы соода жүргүзгөн жарандарга жана келген тургундарга кибер кылмыштардын түрлөрү, алардын кесепеттери жана сактануу жолдору тууралуу маалымат берилди.
