Бишкек, 05.03.26. /Кабар/. 3–4-март күндөрү Индияда түстөр фестивалы — Холи майрамы белгиленди. Бул тууралуу Коммерсант гезити жазды.
Маалыматка караганда, бул майрам жаздын келишин символдоштурат.
Майрам учурунда адамдар бири-бирине түркүн түстүү боёкторду чачып, бири-бирине ийгилик, бакыт, береке каалашат. Көчөлөр миң түркүн түскө боёлуп, музыка, бий жана кубанычтуу маанай өкүм сүрөт.
Холи жаратылыштын жанданышын, жакшылыктын жамандыктан үстөмдүгүн жана жаңы башталыштарды билдирген майрам болуп эсептелет.
