Бишкек, 25.09.25. /Кабар/. Алдамчылыкка шектелген "жалган" милиция кызматкери кармалды. Бул тууралуу Ички иштер министрлигинен билдиришти.
ИИМге О.Н. аттуу жаран арыз менен кайрылып, өзүн "милициянын майору" катары тааныштырып 2024-жылдан бери Кореядан унаа алып келип берем деп алдоо жолу менен анын акчасын ээлеп алган адамга карата чара көрүүнү суранган.
Андан тышкары, акчаны кайтарууну талап кылган учурда арыздануучунун денесине залал келтирип, интим сүрөттөрүн жайылтуу менен коркуткан.
Бул факт боюнча ИИМдин Тергөө кызматы тарабынан "Алдамчылык" беренеси боюнча кылмыш иши козголгон.
Тергөө жана ыкчам-иликтөө иш-чараларынын жүрүшүндө ИИМдин Ички иликтөө кызматынын кызматкерлери тарабынан 1983-жылы туулган М.Э. аттуу "жалган" милиция кызматкери кармалып, убактылуу кармоочу жайына киргизилди.
Тергөө амалдары улантылууда.
