Бишкек, 06.07.26 /Кабар/. Норвегиянын чабуулчусу Эрлинг Холанд футбол боюнча дүйнө чемпионатынын 1/8 финалында Бразилияга каршы өткөн беттештин мыкты оюнчусу деп табылды. Бул тууралуу Эл аралык футбол федерациясы ФИФАнын расмий сайтында маалымдалды.
1/8 финалдык беттеш жекшемби күнү Нью-Йорк шаарында өтүп, Норвегиянын курама командасы Бразилияны 2:1 эсебинде жеңди. Жеңишке негизги салымды Эрлинг Холанд кошуп, атаандаштын дарбазасына эки гол киргизди.
Бул оюндан кийин Холанддын дүйнө чемпионатындагы голдорунун саны жетиге жетти. Ал мыкты бомбардирлердин тизмесинде Килиан Мбаппе жана Лионель Месси менен тең чыкты.
Эми Норвегиянын курамасы чейрек финалда Мексика менен Англиянын жеңүүчүсүнө каршы ойнойт.
Бул беттеш дүйшөмбү күнү өтөт.
