Бишкек, 23.06.26. /Кабар/. Аргентинанын курама командасы 2026-жылкы Дүйнө чемпионатынын тайпалык этабынын экинчи айлампасында Австрияны жеңди, деп билдирет Казинформ агенттиги.
Маалыматка ылайык, J тобундагы беттеш 2:0 эсебинде учурдагы дүйнө чемпиондорунун пайдасына аяктады. Беттеште Аргентинанын капитаны Лионель Месси эки гол киргизди.
Экинчи гол Мессинин Дүйнө чемпионатынын тарыхындагы 18-голу болуп калды. Муну менен аргентиналык футболчу немис чабуулчусу Мирослав Клозенин 16 голдон турган рекордун басып өтүп, Дүйнө чемпионатынын тарыхындагы эң көп гол киргизген оюнчусу деп табылды.
Эки турдун жыйынтыгы менен Аргентина 6 упайы менен J тайпасында биринчи орунга чыкты. Ал эми Австриянын эсебинде 3 упай бар.
Тайпалык этаптын акыркы айлампасында Аргентина Иордания менен ойнойт, ал эми Австрия Алжир курамасы менен беттешет.
Эске салсак, Месси бул көрсөткүчү менен Дүйнө чемпионаттарынын тарыхындагы эң мыкты чабуулчу деп таанылды.
