Бишкек, 19.02.26. /Кабар/. Францияда өлкөнүн метеорологиялык тарыхында жаан-чачын 36 күн тынбай жаап, рекорддук көрсөткүч катталды. Бул тууралуу Интерфакс BFM TV каналына шилтеме келтирип билдирет.
Маалыматка ылайык, метеорологдор өлкөдө 14-январдан бери тынымсыз жаан-чачын болорун айтышкан.
Мурунку рекорд 2023-жылдын күзүндө коюлган, анда Францияда 32 күн катары менен жаан-чачын катталган.
Францияга "Педро" бороону да келди. Метеорологдордун маалыматы боюнча, шамалдын ылдамдыгы саатына 90-140 чакырымга жетет.
Учурда бир катар департаменттерде катуу жаан-чачын жана суу ташкыны коркунучунан улам эскертүүлөр берилди.
