Бишкек, 24.07.26 /Кабар/. Өткөн жылы Европа биримдигинде жалпы акыркы энергия керектөөнүн төрттөн биринен көбү кайра жаралуучу энергия булактарынын эсебинен камсыздалды.
АЗЕРТАЖ агенттигинин маалыматына караганда, бул тууралуу The Brussels Times басылмасы Евростаттын маалыматтарына таянып жазды. Былтыр кайра жаралуучу булактардан алынган энергиянын үлүшү 25,3 пайызды түзүп, мурунку жылга салыштырмалуу өскөн.
Эң жогорку көрсөткүчтөр Швеция, Финляндия жана Данияда катталган. Бул өлкөлөрдө кайра жаралуучу энергия булактары жалпы энергетикалык баланста маанилүү орунду ээлейт. Ал эми эң төмөнкү көрсөткүчтөр Люксембург, Бельгия жана Мальтада белгиленген.
Көрсөткүчтүн өсүшү шамал жана күн энергетикасын кеңири колдонуу, ошондой эле экологиялык таза энергия өндүрүү технологияларын өнүктүрүү менен байланыштуу.
Европа биримдиги мындан ары да кайра жаралуучу энергия булактарынын үлүшүн көбөйтүү энергетикалык коопсуздукту бекемдөөгө, парник газдарынын чыгарылышын азайтууга жана климаттык максаттарга жетүүгө өбөлгө түзөт деп эсептейт.
