Бишкек, 13.10.26. /Кабар/. Режиссёр жана сценарист Наргиза Дотиеванын "Эрезе" көркөм тасмасы Бразилиянын Сан-Паулу шаарында өтө турган 50-эл аралык кинофестивалдын программасына тандалды. Бул тууралуу Маданият, маалымат жана жаштар саясаты министрлиги билдирди.
"Кыргызсериал" чыгармачыл-өндүрүштүк бирикмеси тарткан тасма 15-29-октябрь күндөрү өтө турган фестивалда көрсөтүлөт.
Иш-чаранын алкагында дүйнөнүн 93 өлкөсүнөн 380 тасма көрүүчүлөргө сунушталат.
