Бишкек,14.05.25. /Кабар/. Кара-Көл шаарында "Электр станциялар" ААКтын жаңы эки кабаттуу административдик имаратынын курулушу кызуу жүрүүдө.
Энергетика министрлигинен билдиришкендей, долбоор компаниянын башкаруу түзүмүн жаңылоо жана кеңейтүү максатында ишке ашырылууда.
Курулуш иштери 2024-жылдын сентябрь айында башталган, учурда 70 пайызы бүткөрүлдү. Жаңы заманбап стилде салынып жаткан административдик имараттын жалпы аянты 984,6 чарчы метрди түзүп, 80-90 кызматкерге ылайыкташтырылган.
Имарат толугу менен бүткөрүлгөндөн кийин жумушчулар үчүн бардык шарттар түзүлөт.
Курулуш иштерин толугу менен 30-августка чейин бүткөрүп, пайдаланууга берүү пландалууда.
