Бишкек, 11.09.26. /Кабар/. Энергетика министри Алтынбек Рысбеков Эгемендүүлүк күнүнө карата Талас облусундагы майрамдык иш-чаралар өтүүчү объектилердин электр энергиясы менен камсыздалышынын даярдыгын текшерди.
Ведомстводон маалымдашкандай, текшерүү К. Нуржанов атындагы аллеяда, "Акылман" президенттик лицейинде, "Манас Ордо" улуттук комплексинде, "Баластан" балдар борборунда жана Талас шаарынын борбордук аянтында жүргүзүлдү.
Майрамдык иш-чараларды электр энергиясы менен үзгүлтүксүз камсыз кылуу үчүн Талас облусунда 12 резервдик генератор даярдалды. Ошондой эле энергетиктердин ыкчам жана көчмө бригадаларынын күнү-түнү иштөөсү уюштурулду.
Майрам учурунда 200дөн ашуун адис электр тармактарынын жана жабдууларынын ишин көзөмөлдөп, кызмат өтөйт.
Текшерүүнүн жыйынтыгында министр майрамдык иш-чараларга тартылган бардык объектилерди электр энергиясы менен туруктуу камсыз кылууну тапшырды.
