Бишкек, 11.03.26. /Кабар/. Дубайда кароосуз жүргөн жаныбарларды тамактандыруу үчүн жасалма интеллект технологиясын колдонгон станциялар ишке кирди. Бул тууралуу TimeOutDubai кабарлаганын, Интерфакс жазды.
Маалыматта белгиленгендей, долбоордун алкагында эмираттын ар кайсы аймактарына 12 станция орнотулат, алар жаныбарларга тамак-аш жана таза суу берип турат.
Станциялар толугу менен автоматташтырылган. Жасалма интеллект жаныбарларды тааныйт, алардын түрлөрү боюнча маалыматтарды чогултат. Станциялар күн энергиясы менен иштейт жана тамак-аштын корун көзөмөлдөө үчүн атайын жабдуу да коюлган.
Бул демилге жаныбарларга гана жардам бербестен, шаардын тазалыгын сактоого да багытталгандыгы белгиленди.
