Бишкек, 25.08.26. /Кабар/. 27-августта Бишкектин бир бөлүгүндө суу болбойт
Муниципалитеттен билдиришкендей, 27-августта саат 09:00дөн саат 21:00гө чейин 9-кичи райондун бир бөлүгү, Малдыбаев көчөсү - Сүйөркулов көчөсү - К. Тыныстанов көчөсү - И. Ахунбаев көчөсү менен чектелген аймакта суу болбойт.
Суу берүү диаметри 200 мм болгон суу түтүгүндөгү аварияны жоюу иштерин жүргүзүүгө байланыштуу убактылуу токтотулат.
Бишкек мэриясы келтирилген ыңгайсыздыктар үчүн кечирим сурайт жана жашоочуларды, уюмдарды ичүүчү сууну алдын ала камдап коюуну суранат.
