Бишкек, 20.08.26. /Кабар/. Бүгүн, 20-августта Бишкектин айрым бөлүгүндө убактылуу суу өчүрүлөт.
Мэриядан билдиришкендей, саат 09:00дөн 00:00гө чейин турак жайларга, мектептерге, бала бакчаларга, саламаттыкты сактоо мекемелерине, ошондой эле башка социалдык жана өндүрүштүк объектилерге ичүүчү суу берүү убактылуу токтотулат.
Өчүрүү району: Чүй проспектиси, Фрунзе көчөсү, Тыныстанов көчөсү, Манас проспектиси (азыркы - Ч.Айтматов проспектиси) Жибек Жолу проспектисинен Ала-Арча суусуна чейин, Турусбеков көчөсү, Баялинов көчөсү, Абдрахманов көчөсү.
Мында жылуулук тармактарынын суу түтүгүн көчүрүү иштери жүрөт.
