Бишкек, 16.06.25. /Кабар/. Бишкекте 6 жашар кызды көп кабаттуу үйдүн жер төлөсүнө азгырган жаран кармалды. Бул тууралуу Октябрь райондук ички иштер башкармалыгынан билдиришти.
Маалыматка ылайык, Н.С. аттуу жаран 10-июнда саат 20:00 чамасында Бишкектеги көп кабаттуу үйлөрдүн биринин жер төлөсүндө 2019-жылы туулган жашы жете элек кызы С. Ж. менен отурган белгисиз адамга карата чара көрүү жөнүндө арыз менен кайрылган.
Аталган маалымат райондук милициянын жетекчилиги тарабынан өзгөчө көзөмөлгө алынып, күтүүсүз ыкчам-издөө иш-чараларынын жүрүшүндө 1972-жылы туулган шектүү Б.А. кармалып, убактылуу кармоочу жайына киргизилген.
Белгилей кетсек, маалымат тергөө-ыкчам иш-чараларынын жыйынтыгында шектүүнүн уурулук фактыларына тиешеси бар экендиги аныкталган.
Азыркы учурда окуянын бардык жагдайларын аныктоого багытталган зарыл тергөө аракеттерин жүргүзүү улантылууда.
