Бишкек, 03.04.26. /Кабар/. Бүгүн, 3-апрелде Бишкекте УКМКга караштуу бала бакчанын имаратынын пайдубалына мезгил кутусун салуу аземи болду. Бул тууралуу атайын кызматтан билдиришти.
Маалыматта белгиленгендей, иш-чарага УКМК төрагасы Жумгалбек Шабданбеков жана курулуш, архитектура жана турак жай - коммуналдык чарба министри Нурдан Орунтаев катышты.
Жаңы бала бакчага УКМКнын жана башка укук коргоо органдарынын кызматкерлеринин, ошондой эле муниципалдык жана мамлекеттик кызматкерлердин балдары кабыл алынат.
Иш-чарада мамлекеттик курулуш саясатынын артыкчылыктуу багыттары туруктуу жашоо чөйрөсүн калыптандыруу, архитектуралык жана шаар куруу тармактарын өнүктүрүү, турак жай-коммуналдык чарба жана инженердик инфраструктураны модернизациялоо экени баса белгиленди.
