Бишкек, 07.04.26. /Кабар/. Бишкекте ден соолугунан мүмкүнчүлүгү чектелген адамдар арасында шахмат боюнча Азиянын биринчи чемпионаты башталды. Бул тууралуу мэриядан билдиришти.
Маалыматка ылайык, мелдешке Дүйнөлүк шахмат федерациясы, Азия шахмат федерациясы жана Ден соолугунан мүмкүнчүлүгү чектелген адамдардын эл аралык шахмат ассоциациясы тарабынан колдоо көрсөтүлүүдө.
Чемпионатка Кыргызстан, Казакстан, Өзбекстан жана Россиядан 25ке жакын шахматчы катышууда.
Турнир тогуз турдан турган швейцариялык система боюнча өтүүдө.
Жеңүүчүлөр кубок, медаль, диплом жана акчалай сыйлыктар менен сыйланат.
Мэриядан белгилешкендей, программанын алкагында маданий иш-чаралар да каралган. 9-апрелде катышуучулар "Ала-Арча" жаратылыш паркына барып эс алышат.
