Бишкек. 14.02.26. /Кабар/. Тиешелүү уруксатсыз каржылык ишмердүүлүк жүргүзүп, жогорку пайыздык чендер менен насыя берген жаран кармалды. Бул тууралуу УКМКдан билдиришти.
Маалыматка ылайык, А.А.Т. аттуу жаран оор материалдык абалда турган адамдарга карыз берип, ири көлөмдө пайда таап келген.
Тинтүү учурунда онго жакын мүлккө тиешелүү документтер, ошондой эле мыйзам талаптарын бузуу менен сакталган ок-дарылар алынды. Кармалган жаран тергөө абагына жеткирилди.
Учурда иштин бардык жагдайлары жана катыштыгы бар болуусу мүмкүн болгон башка жактарды аныктоого багытталган тергөө иш-чаралары жүргүзүлүүдө.
