Бишкек,16.03.25./Кабар/. Кечээ Бишкек шаарынын мэриясынын Маданият башкармалыгына караштуу «Диалог» шаардык маданият үйүндө Кыргыз Республикасындагы Аталар күнүнө арналган салтанаттуу иш-чара өттү.
Муниципалитеттен билдиришкендей, майрамдык программа кызыктуу стол үстүндөгү оюндар менен башталып, ага аталар жана балдар активдүү катышты. Бул достук атмосфера үй-бүлө мүчөлөрүнүн бирге убакыт өткөрүүсүнүн маанилүүлүгүн белгилеп, иш-чаранын жалпы маанайын аныктады.
Иш-чаранын өзгөчө учуру «Аталар жана балдар» спорттук мелдештеринин жеңүүчүлөрүн сыйлоо болду. Алардын аракетин жана командалык духун баалоо максатында ардак грамоталар жана эстелик белектер тапшырылды.
Белгилей кетсек, майрамдык кечеге чыгармачыл жамааттардын өнөр көрсөтүүсү көрк кошуп, сахнада элдик ансамблдер, бий топтору, эмгек сиңирген артисттер жана маданият ишмерлери жаркырап, өз өнөрлөрүн тартуулашты. Көңүл көтөргөн жана жаркын номерлер конокторго кубаныч тартуулап, Кыргызстандагы биринчи Аталар күнүнүн эң сонун жыйынтыгы болду.
