Бишкек, 09.03.26. /Кабар/. Бишкекте унаалардан чыккан зыяндуу заттардын ченемин аныктоо боюнча кезектеги рейд өттү. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Иш-чараны Экологиялык көзөмөл кызматы Милициянын кайгуул кызматы менен биргеликте уюштурду.
Рейд учурунда эки унаанын түтүнү белгиленген нормадан 50 пайыздан ашык жогору экени аныкталды. Натыйжада айдоочуларга Укук бузуулар жөнүндө кодекстин 234-беренеси менен эки протокол түзүлдү. Айып пулдун жалпы суммасы 15 миң сомду түздү.
Экологдор абанын сапатын жакшыртуу максатында мындай текшерүүлөр Бишкек шаарында туруктуу негизде өткөрүлүп турарын эскертет.
