Бишкек, 11.09.26. /Кабар/. Бүгүн Баткен облусунда 12 социалдык объект пайдаланууга берилди. Бул тууралуу президенттин аймактагы өкүлчүлүгүнөн билдиришти.
Объекттер Кыргыз Республикасынын Эгемендүүлүгүнүн 35 жылдыгына карата президент Садыр Жапаровдун катышуусунда өлкө боюнча ачылган 105 социалдык жана өнөр жай объектисинин катарына кирет. Алар:
- Баткен районунун Жаңы-Жер айылындагы 500 орундуу мектеп;
- Баткен районунун Самаркандек айылындагы "Бала Нур" балдар бакчасынын кошумча имараты;
- Кадамжай районунда "Ыйман" балдар бакчасы;
- Кадамжай шаарындагы бардык мезгил үчүн жабык спорттук суу бассейн;
- Кадамжай районунун Айырбаз айылындагы 500 орундуу мектеп;
- Лейлек районундагы "Ак-Шоола" мектепке чейинки билим берүү мекемеси;
- Баткен шаарынын Аэропорт участкасындагы 225 орундуу мектеп;
- Баткен шаарындагы муниципалдык автобекет;
- Кызыл-Кыя шаарынын Караван айылында оорукананын кошумча имараты;
- Кызыл-Кыя шаарындагы үй-бүлөлүк дарыгерлер тобунун имараты;
- Сүлүктү шаарындагы "Белес Резорт" эс алуу комплекси;
- Лейлек районунун Ак-Арык айылындагы 120 орундуу бала бакча.
