Бишкек, 14.01.26. /Кабар/. Жыл башынан бери Баткен облусунда 50 миң 909 жол эрежесин бузуу фактысы аныкталды. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Анын ичинде:
- мас абалында унаа башкарган — 1108 айдоочу;
- ылдамдыкты ашырып айдаган — 7798 айдоочу;
- терезелерин мыйзамсыз караңгылаткан — 268 айдоочу;
- тийиштүү документтери жок унаа башкарган — 1824 айдоочу;
- автоээнбаштык кылган — 63 айдоочу;
- жол белгилерине баш ийбеген — 14 063 айдоочу.
Ошондой эле ар кандай жол эрежелерин бузгандыгы үчүн 6200 унаа убактылуу айып короого токтотулган.
Аталган мыйзам бузуулардан мамлекеттик бюджетке 66 млн 517 миң 670 сом айып пул өндүрүлгөн.
