Бишкек, 30.06.25. /Кабар/. Баткен шаарында Кыргызстандын Юстиция министрлигинин жаңы административдик имаратынын курулушу уланууда.
Курулуш министрлигинен билдиришкендей, иш 2024-жылы башталып, республикалык бюджеттен каржыланууда. Долбоорго ылайык, объекттин тендердик баасы 36 миллион сомду түзөт.
Имарат эки кабаттуу, жертөлөсү менен жалпы аянты 536 чарчы метрди түзөт. Ал кызматкерлердин ыңгайлуу жана эффективдүү иштеши үчүн бардык зарыл болгон жабдуулар менен толук камсыздалат.
Маалым болгондой, бүгүнкү күндө объекттин курулуш иштери 70% аяктап калды.
