Бишкек, 30.03.26. /Кабар/. Бишкектин түнкү клубдарында баңгизатка каршы рейддер өткөрүлдү. Бул тууралуу ИИМден билдиришти.
Маалыматка ылайык, текшерүүлөр борбор калаанын бир катар түнкү клубдарында жана барларында өтүп, баңгизаттардын жана психотроптук заттардын мыйзамсыз жүгүртүлүшүнө байланышкан кылмыштарды алдын алууга, аныктоого жана бөгөт коюуга багытталды.
"Рейддин максаты жаштар көп чогулган жерлерде баңгизаттардын жана психотроптук заттардын жайылышына бөгөт коюу. Текшерүүнүн жүрүшүндө көңүл ачуучу жайлардын жетекчилерине мыйзам бузуулар үчүн жоопкерчилик эскертилди. Ошондой эле ишкерлерге ички коопсуздукту күчөтүү жана коноктордун коопсуздугун камсыз кылуу талабы коюлду",-деп айтылат маалыматта.
