Бишкек, 08.03.26. /Кабар/. Биринчи айым Айгүл Жапарова аялзатын 8-март - Аялдардын эл аралык күнү менен куттуктады.
Ал аял үй-бүлөнү да, коомду да, мамлекетти да бирдей алып кете алган инсан экенин белгилеп, аялзаты күчтүү болсо – үй бүлө бекем – мамлекет күчтүү болорун айтты.
"Урматтуу айымдар!
Сиздерди жаздын алгачкы майрамы - 8-март Аялдардын эл аралык күнү менен чын дилимден куттуктайм!
Аялзаты - бул мээримдин түгөнбөс булагы, үй-бүлөнүн куту жана жашоого дем берген улуу күч. Сиздердин назиктигиңиздер, акылмандыгыңыздар жана чыдамкайлыгыңыздар менен дүйнө жарык болуп турат.
Кыргызстандын тарыхында да, бүгүнкү күнүндө да айымдардын орду өзгөчө.
Андыктан ар бириңиздер – Кыргызстаныбыз үчүн зор күчсүздөр.
Аял үй-бүлөнү да, коомду да, мамлекетти да бирдей алып кете алган инсан катары сыпатталып калган. Анткени аялзаты күчтүү болсо – үй бүлө бекем – мамлекет күчтүү болот.
Сиздерге бекем ден соолук, бөксөрбөс энергия, үй-бүлөлүк бакубаттуулук жана чексиз бакыт каалайм. Ар дайым жүзүңүздөрдөн жылмаюу кетпей, жүрөгүңүздөрдө кубаныч, жашооңуздарда ийгилик коштоп жүрсүн!", - деп куттуктады Айгүл Жапарова.
