Бишкек, 20.03.26 /Кабар/. Алтындын фьючерс баасы төмөндөп, бир унциясы 4750 доллардан ылдый түштү. Бул тууралуу Comex биржасынын маалыматына таянып, Известия кабарлады.
Бүгүнкү маалыматтарга ылайык, апрелде жеткириле турган алтындын фьючерс баасы 4749 долларды түзүп, мурунку күнгө салыштырмалуу 3,01%га төмөндөгөн. Бул көрсөткүч 5-февралдан бери биринчи жолу 4750 доллар чегинен ылдый түшкөнүн билдирет.
Ошол эле учурда күмүштүн баасы да олуттуу төмөндөп, 17-февралдан бери биринчи жолу бир унциясы 72 доллардан ылдый түштү.
АКШ менен Ирандын ортосундагы кырдаал курчугандан кийин, алтындын баасы тарыхый максимумга - бир унциясы 6,5 миң долларга чейин өсүшү мүмкүн экени божомолдонгон.
