Бишкек, 26.08.26. /Кабар/. VI Дүйнөлүк көчмөндөр оюндарынын жеңүүчүлөрүнө ыйгарылуучу алтын, күмүш жана коло медалдардын расмий дизайны сунушталды.
Дене тарбия жана спорт мамлекеттик агенттигинен билдиришкендей, медалдын дизайн-концепциясы көчмөн кыргыз элинин салттуу философиясына негизделген жана Дүйнөлүк көчмөндөр оюндарынын расмий эн белгиси жайгаштырылган.
"Медаль эки беттен туруп, илгенге жана койгонго ылайыкташып орноткучу менен бир комплектти түзөт. VI Дүйнөлүк көчмөндөр оюндарынын жеңүүчүлөрү дал ушул өзгөчө медалдар менен сыйланып, дүйнөлүк көчмөн спортунун тарыхында өз ысымдарын калтырышат", - деп айтылат маалыматта.
Белгилей кетсек, VI Дүйнөлүк көчмөндөр оюндарыүстүбүздөгү жылы 31-августтан 6-сентябрга чейин Кыргызстанда өтөт.
