Бишкек, 09.04.26 /Кабар/. Аксы районундагы Кум айылында Нарын дарыясына түшүп кеткен жаш баланын сөөгүн издөө иштери улантылууда. Бул тууралуу Өзгөчө кырдаалдар министрлигинен билдиришти.
Маалыматта белгиленгендей, бүгүн издөө иштерине төмөнкү күчтөр тартылды:
- Аксы райондук өрт-куткаруу бөлүгүнөн — 12 куткаруучу;
- Республикалык өзүнчө куткаруу отрядынан — 5 куткаруучу (суучулдар);
- ИИМден — 3 кызматкер;
- Чек ара кызматынан жана жергиликтүү тургундардан — 20га жакын адам.
Жалпысынан издөөгө 40 адам жана 2 кайык катышууда.
Эске салсак, 5-апрель күнү 2018-жылы туулган К.И. аттуу бала Нарын дарыясына түшүп кеткен. Издөө иштери үзгүлтүксүз жүргүзүлүүдө.
