Бишкек, 27.04.26. /Кабар/. АКШнын Жоржия штатында токойдогу өрттөн улам 120дан ашык үй жабыркады. Бул тууралуу Казинформ кабарлайт.
Маалыматка караганда, өрттөрдүн бири штаттын түштүк-чыгышында, болжол менен 38 чарчы чакырым аянтты ээледи. Анын 10%ы гана көзөмөлгө алынды.
Алдын ала маалыматтарга ылайык, бул өрттөн кеминде 87 үй жашоого жараксыз болуп калган.
Бийлик өкүлдөрү өрт фольга менен капталган шар электр зымдарына тийгенден кийин пайда болду деп айтууда. Өрт штатка олуттуу зыян келтирилгени белгиленди.
Флорида чек арасына жакын жердеги экинчи өрт ширетүү иштеринен чыккан учкундардан улам келип чыккан. Эсептөө боюнча, өрт болжол менен 121 чарчы чакырымга жайылып, кеминде 35 үйдү жок кылган.
Өрт өчүрүүчүлөр дале болсо Жоржия штатында токойдогу өрттү өчүрүү менен аракет көрүп жатышат. Коюу түтүндөн улам айрым аймактарда абанын сапаты боюнча эскертүүлөр берилип, тургундарга эвакуациялануу сунушталды.
Өзгөчө кырдаалдар боюнча кызматкерлер шамал өрттү андан ары жайылтышы мүмкүн деп эскертишти.
