Бишкек, 30.01.25. /Кабар/. Вашингтондогу авиакырсыкта Кытайдын эки жараны каза болду. Бул тууралуу "Синьхуа" агенттиги жазды.
"Алдын ала маалыматтар боюнча, Кытайдын эки жараны Рейган аэропортуна жакын жерде болгон авиакырсыкта каза тапты", - деп айтылат маалыматта.
Ал арада Кытайдын АКШдагы элчилиги көз жумгандардын үй-бүлөлөрүнө бардык жардамдарды көрсөтүү үчүн америка тарапка кытайлык жарандар тууралуу кабарды тактап берүү керектигин айтып кайрылды.
Эске салсак, 30-январда Вашингтондогу Рональд Рейган аэропортунан анча алыс жерде аскердик тик учак менен жүргүнчү ташыган учак кагылышып, Потомак дарыясына кулаган.
Учактын бортунда 60 жүргүнчү жана 4 экипаж мүчөсү, ал эми тик учакта кеминде үч аскер кызматкери болгон.
