Бишкек, 06.10.26 /Кабар/. Кыргызстандын 15 жаштан 35 жашка чейинки жарандарынын арасында Чыңгыз Айтматовдун чыгармачылыгына арналган эссе-конкурс өтөт. Бул тууралуу Илим, жогорку билим берүү жана инновациялар министрлиги билдирди.
Маалыматка ылайык, сынакты министрликке караштуу Интеллектуалдык менчик мамлекеттик фонду уюштурууда.
Катышуучулар эссени төмөнкү темалардын бири боюнча жазышы керек:
- “Чыңгыз Айтматовдун чыгармаларындагы гуманизмдин философиясы”;
- “Айтматовду окуганымда...”;
- “Чыңгыз Айтматовдун чыгармаларындагы илим жана техника”;
- “Жазуучунун чыгармачылыгындагы экологиялык көйгөйлөрдүн актуалдуулугу”;
- “Чыңгыз Айтматовдун чыгармаларындагы аялдардын образы”.
Конкурска катышуу үчүн өтүнмө жана көлөмү төрт беттен ашпаган эссе тапшырылат.
Өтүнмөлөр 9-сентябрдан 23-октябрга чейин кабыл алынат.
Конкурстун жеңүүчүлөрүнө дипломдор жана баалуу белектер тапшырылат.
