Бишкек шаарында мурунку "Ай-Перинин" имаратынын ордунда заманбап бизнес борбору эшигин ачты.
Бул долбоор Вьетнам компаниясы тарабынан өлкөгө инвестиция тартуу жана ишкердик чөйрөсүн жакшыртуу максатында ишке ашырылды. Борбордун расмий ачылышына министрлер кабинетинин төрагасы Адылбек Касымалиев катышты. Ал заманбап үлгүдөгү иш бөлмөлөрү менен таанышып чыгып, мындай борборлор инвесторлор үчүн ыңгайлуу аянтча болорун белгиледи.
Жаңы бизнес борбору эң акыркы технологиялар менен жабдылган. Бул жерде ишкердикти өнүктүрүүгө, эл аралык деңгээлдеги инвесторлордун натыйжалуу иштешине бардык шарттар түзүлгөн.
"Кабар" агенттигинин сүрөтчүсү жаңы ачылган бизнес борбордон эксклюзивдүү сүрөттөр менен бөлүшөт.
