Ташкент, 24.09.25. /Кабар/. 2025-жылдын январь–август айларында Кыргызстан менен Өзбекстандын ортосундагы соода жүгүртүүнүн көлөмү 597 млн долларды түздү. Бул тууралуу Өзбекстандын Улуттук статистика комитети кабарлады.
Өткөн жылдын ушул мезгилинде көрсөткүч 530 млн доллар болгон.
Өзбекстандын жалпы тышкы соода жүгүртүүсү быйыл 51,4 млрд долларга жетип, бир жыл ичинде 19,8%га өстү.
Учурда Өзбекстан дүйнөнүн 200гө жакын мамлекети менен соода жүргүзүп келет. Алардын ичинен эң ири өнөктөшү Кытай болуп, үлүшү 18,9%ды түздү. Андан кийин Россия (16,1%), Казакстан (5,9%), Түркия (3,7%) жана Корея Республикасы (2,2%) орун алды.
Эске салсак, президент Садыр Жапаровдун 2024-жылдын июль айындагы Өзбекстанга жасаган мамлекеттик сапарында тараптар 2030-жылга чейин өз ара сооданы 2 млрд долларга жеткирүү боюнча макулдашкан.
