Бишкек, 07.10.26. /Кабар/. Ош шаарында 100 балага ылайыкташкан “Урпак” мектепке чейинки билим берүү уюму ачылды. Бул тууралуу Ош шаардык мэриясы билдирди.
Маалыматка ылайык, бала бакчада 2 жаштан 5 жашка чейинки балдар тарбияланат.
Анын ачылыш аземине Ош шаарынын мэри Жанарбек Акаев, Ош шаардык кеңешинин төрагасы Болотбек Баетов, тарбиячылар жана ата-энелер катышты.
Белгилей кетсек, Ош шаарында жалпысынан бир күндө эки бала бакча пайдаланууга берилди.
