Бишкек, 14.01.26. /Кабар/. 2025-жылы табигый кырсыктардан улам дүйнөлүк экономикага зыян 224 млрд долларга чейин чейин төмөндөдү. Бул тууралуу Интерфакс дүйнөдөгү эң ири кайра камсыздандыруу компаниясы Munich Re компаниясынын отчетуна таянып жазды.
Маалыматка ылайык, бул мурунку жылдагы көрсөткүчтөн (инфляцияны эске алганда 368 млрд доллар) болжол менен 40% төмөн.
Камсыздандырылган чыгымдар болжол менен 108 млрд долларды түздү, ал эми мурунку жылы 147 млрд доллар болчу.
Ошондуктан жалпы зыяндагы камсыздандырылган чыгымдардын үлүшү дээрлик 48%ды түздү, ал эми узак мөөнөттүү орточо көрсөткүч болжол менен 30%ды түзгөн. Өткөн жылы камсыздандыруу чыгымдары рекорддук деңгээлде болду. Бул категорияга суу ташкындары, өрттөр жана катуу бороондор кирет. Анда көрсөткүч 98 млрд долларды түздү, ал эми жалпы зыян 166 млрд долларга жетти.
Munich Re маалымдагандай, өткөн жылы табигый кырсыктардын кесепетинен болжол менен 17 200 адам каза болгон, ал эми мурунку жылы бул көрсөткүч 11 миңди түзгөн.
