Бишкек, 18.03.25. /Кабар/. Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитети бүгүн, 18-марттагы отурумунда Шайлоо жана референдум өткөрүү боюнча борбордук комиссиясынын мүчөлүгүнө шайлоо үчүн Бахадыр Конуровдун талапкерлигин карады.
Парламенттин коомчулук жана ЖМК менен иштөө бөлүмүнөн билдиришкендей, талапкер боюнча сунуштама жана маалыматты «Ишеним» парламенттик фракциясынын лидери Улугбек Ормонов берди.
Комитет мүчөлөрү Бахадыр Конуровдун талапкерлигин жактырып, Кыргыз Республикасынын Шайлоо жана референдум өткөрүү боюнча борбордук комиссиясынын мүчөлүгүнө шайлоо үчүн колдоп беришти.
