Бишкек, 23.07.26. /Кабар/. Токтогул шаарынын мэри Бактыбеков Бекмамат Бактыбекович ээлеген кызмат ордунан бошотулду.
Токтогул райондук акимчилигинен билдиришкендей, тиешелүү чечим Токтогул райондук мамлекеттик администрациясынын башчысы-акимдин буйругунун негизинде кабыл алынды.
Белгиленгендей, Бекмамат Бактыбеков башка ишке которулгандыгына байланыштуу кызмат ордунан өз каалоосу менен бошотулган.
Бекмамат Бактыбеков аталган кызматты 2025-жылдын декабрынан тарта аркалап келген.
