Бишкек, 17.11.26. /Кабар/. Сузак районундагы Сасык-Булак айылында жайгашкан кыш чыгаруучу ишкана атмосфералык абаны коргоо талаптарын бузганы үчүн 28 миң сом айыпка жыгылды.
Жаратылыш ресурстары министрлигинен билдиришкендей, текшерүү учурунда ишкананын мештеринин морлоруна чаң-газ тазалоочу жабдуулар орнотулбаганы аныкталган.

Аталган мыйзам бузуулар боюнча акт түзүлүп, ишканага төрт пункттан турган эскертме берилди. Кемчиликтерди жоюу үчүн бир айлык мөөнөт белгиленди.