Бишкек, 18.02.26. /Кабар/. Суусамырда кар көчкү басып калган 59 жаштагы Д.А. аттуу чабандын сөөгү табылды. Бул тууралуу Өзгөчө кырдаалдар министрлигинен билдиришти.
Анын сөөгү бүгүн куткаруучулар тарабынан табылып, көчкүнүн астынан чыгарылды.
Издөө ишин улантуу максатында бүгүн ӨКМден жалпы 27 куткаруучу, 3 адис эки атайын шаймандары менен (георадар жана магнитометр) жана жергиликтүү тургундардан 40 адам, жалпы 70 адам тартылган.
Эскерте кетсек, 12-февралда Суусамырда 1967-жылы туулган Д.А. аттуу чабанды 50 баш кой, 1 аты менен кар көчкү басып калган. Ошол убактан тарта издөө иши тынымсыз улантылып келген.
