Бишкек, 29.10.26. /Кабар/. К.И. Скрябин атындагы Кыргыз улуттук агрардык университетинин 2-курсунун студенттери үчүн финансылык сабаттуулук боюнча семинар өткөрүлдү.
Улуттук банкттан билдиришкендей, иш-чара Дүйнөлүк каражат топтоо күнүнө арналды.
Семинардын жүрүшүндө студенттерге акча-кредит саясаты, накталай акча жүгүртүү, финансылык институттарды жөнгө салуу жана төлөм системасы тууралуу маалымат берилди. Ошондой эле финансылык сабаттуулуктун негиздери боюнча интерактивдүү экскурсия уюштурулду.
Иш-чаранын соңунда студенттер Улуттук банктын нумизматикалык музейи менен таанышты.
